Müxalifətçi deputatlar “Xarici təsirin şəffaflığı haqqında” qanuna qarşı iddia qaldıracaqlar

Müxalifətdən olan deputatlar Konstitusiya Məhkəməsində hakim çoxluğun təşəbbüsü ilə parlamentdə qəbul edilən “Xarici təsirin şəffaflığı haqqında” qanuna qarşı iddia qaldıracaqlar.

InterPress.ge xəbər verir ki,bu dəqiqələrdə parlamentdə müxalifət nümayəndələri konstitusiya iddiasına imza atırlar.

Məlumata görə, iddianı parlamentin 32 müxalifətçi üzvü imzalayacaq.

Müxalifət Konstitusiya Məhkəməsindən “Xarici təsirin şəffaflığı haqqında” qanunun Konstitusiyanın 22 və 78-ci maddələrinə riayət edilməməsinin təsdiqini və onun ləğvini tələb edir.

Prezident Salome Zurabişvili və qeyri-hökumət sektoru da qanundan Konstitusiya Məhkəməsinə müraciət edib.