Bütün dünyada hava yolları və bankların işində problem yaranıb

Bütün dünyada iri banklar, media qurumları və hava yolları İT sistemlərində əhəmiyyətli fasilələrlə üzləşirlər.

InterPress.ge xəbər verir ki, bu barədə BBC yazır.

Nəşrin məlumatına görə, Sidney hava limanı və United Airlines şirkəti uçuşları dayandırıb.

Berlin hava limanının məlumatına görə, texniki səhvə görə qeydiyyatda gecikmələr var.Problem İspaniyanın bütün hava limanlarında qeydə alınıb.

“Biz bunu mümkün qədər tez həll etməyə çalışırıq.Hal-hazırda mexaniki sistemlərlə əməliyyatlar davam edir”, - İspaniya Hava Limanları Operator Şirkəti bildirib.

İngiltərədəki dəmir yolu şirkətləri "geniş İT problemləri" yaşadıqlarını bildirir. London Stock Exchange Group platformasında da fasilələr yaşanır.

Lakin Sky News-un icraçı sədrinin məlumatına görə, canlı yayımı təmin edə bilməyiblər.