Kutaisi meri İoseb Xaxaleişvili istefa verib

Kutaisi şəhərinin meri İoseb Xaxaleişvili tutduğu vəzifədən istefa verib.

IntePress.ge xəbər verir ki, bu barədə o, Facebook səhifəsində yazıb.

Xaxaleişvilinin sözlərinə görə, vəzifəsini tərk etməsinə baxmayaraq, o, “Gürcü arzusu” komandasında qalır və paytaxtda fəaliyyətini davam etdirir.

“İllər boyu mənə Kutaisi şəhərinin meri olmaq imkanı verən hər bir seçiciyə və şəhərimizin inkişafında yorulmadan və vicdanla iştirak edən insanlara təşəkkür edirəm.

Ötən illərdə komandamız bir çox çətin işlərin öhdəsindən gəldi və onların bir çoxunu uğurla həyata keçirdi ki, bu da vahid ruh, komanda işi və ümumi işdə fərdi səylər olmadan mümkün olmazdı.

Mən bu gün vəzifəmi tərk etsəm də , “Gürcü arzusu” komandasında qalacağam, başqa vəzifədə şəhərimə, ölkəmə xidmət etməyə davam edəcəyəm.Yarandığı gündən idarə heyətinin üzvüyəm, 10 ildən artıq dövlət qulluğunda müxtəlif rəhbər vəzifələrdə çalışmışam və bu illər ərzində şəhərimiz üçün işlər görmək üçün ən yaxşı fürsət oldu.

Mövcud siyasi vəziyyətə əsasən, mən də partiya fəaliyyəti ilə məşğul olacağam və Tbilisidə fəaliyyətimi davam etdirəcəyəm. Bildiyiniz kimi, ölkəmiz çox mühüm, tarixi seçim qarşısındadır, ona görə də bu dəfə ölkəmə fərqli şəkildə xidmət etməyə çalışacağam. Mən sıravi bir əsgər kimi ölkəmə xidmət etməyə davam edəcəyəm ki, Gürcüstan bundan sonra da inkişaf etsin. Gəlin xalqımıza, xüsusən də mənim sevimli Kutaisililərə dinc yaşamaq imkanı verək.

Kutaisi bizim şəhərimizdir və biz hamımız onun gələcəyini birlikdə qurmalıyıq”, - Xaxaleişvili yazıb.