Sabah Marneulidə Tasua yürüşü keçiriləcək

Marneulidə sabah Tasua yürüşü olacaq.

InterPress.ge xəbər verir ki, Tasua yürüşü sabah - iyulun 15-də baş tutacaq.

Ümumi Gürcüstan Müsəlmanlarının Ali Dini İdarəsinin sədri seyid Mirtəqi Əsədovun açıqlamasına əsasən, Tasua yürüşü Marneulidə yerləşən Əhli Beyt Cəmiyyəti önündən İmam Əli (ə) Məscidinədək davam edəcək.

M.Əsədovun qeyd etdiyinə görə, Tasua yürüşü saat 11:00 radələrində başlayacaq.

O, eləcə də Bütün müsəlmanları, İmam Hüseyn aşiqlərini Tasua yürüşünə qatılmağa dəvət edir.

Qeyd edək ki, Aşura günü iyulun 16-na təsadüf edir.