“ Heç kəs ölkəmizin maraqlarını öz ölkəsinin maraqlarından üstün tutmayacaq”- Papuaşvili

"Heç kim ölkəmizin mənafeyini öz ölkəsinin mənafeyindən üstün tutmayacaq. Ona görə də başqalarının mənafeyini ölkəmizin mənafeyindən üstün tutmamalıyıq."

InterPress.ge xəbər verir ki, bu sözləri jurnalistlərə parlamentin sədri Şalva Papuaşvili Gürcüstan Müdafiə Nazirliyinə ayrılan vəsaitin dondurulması barədə açıqlamaya münasibət bildirərkən deyib.

Onun fikrincə, dövlət öz ölkəsində sülhün və özünümüdafiənin qayğısına qalmalıdır.

“NATO qoşunları Əfqanıstanı tərk edərkən Gürcüstan hökuməti onların tezliklə çıxarılmasını təmin etdi. Sonra Gürcüstan həlledici rol oynadı və biz buna görə çox təşəkkürlər aldıq. Təəssüf ki, müəyyən siyasi zövqlər və ya siyasi məqsədəuyğunluq əsasında belə bir qərar verilir.

Bizim etməli olduğumuz işi başqa heç kim etməyəcək və təbii ki, müdafiə qüvvələri bizim əsas maraq sahəmizdir. Bu fakt bir daha təsdiqləyir ki, dövlət özü öz ölkəsində sülhün, özünümüdafiənin qayğısına qalmalıdır. Bu da müəyyən təcrübə və dərsdir. 2008-ci ildə bizim üçün dağıdıcı müharibə olduğu halda, bu müharibədən sonra 6 il, 2013-2014-cü ilə qədər NATO ölkələrindən heç biri müharibədən çıxan ölkəyə silah vermədi. Bizə nəyinki hədiyyə vermək, hətta almağımıza qadağa qoydular. Bu acı fakt idi. O zaman “Milli Hərəkat” bunu gizlədirdi, camaatın xəbəri yox idi. Əslində müharibə şəraitində olan Gürcüstan sanksiyalar altında idi. Heç kim ölkəmizin mənafeyini öz ölkəsinin mənafeyindən üstün tutmayacaq. Ona görə də başqalarının mənafeyini ölkəmizin mənafeyindən üstün tutmamalıyıq.

Ordu və ya ölkə üçün müəyyən edilən məbləğə gəlincə, o, QHT sektoruna keçəcək. Bu nə baş verdiyini göstərir. Onların marağlarını kim daşıyırsa, pul da ora gedir. Əgər hesab etsələr ki, bəlkə də Gürcüstan hökuməti başqa hökumətin maraqlarını daşımır, pulu da onların marağlarını daşıyan tərəfə göndərirlər. Bu, belə pulların arxasında maraqların dayandığına daha bir sübutdur”, - deyə Şalva Papuaşvili bildirib.