Papuaşvili: 2021-ci ildə NATO qoşunlarının Əfqanıstandan sürətlə çıxarılmasının təmin edilməsində Gürcüstanın hansı rolu oynadığını xatırlamalıyıq

Gürcüstan parlamentinin spikeri Şalva Papuaşvilinin sözlərinə görə, demokratik və institusional inkişaf baxımından Gürcüstan illərdir NATO-ya üzv olan bir çox ölkəni qabaqlayıb.

InterPress.ge xəbər verir ki, bu barədə o sosial şəbəkədə yazıb.

Papuaşvilinin  yazdığına görə, Gürcüstan NATO-ya daxil olmayan ölkələrin ən böyük kontingenti ilə Əfqanıstandakı NATO missiyasında iştirak edib və alyans üzvləri arasında dördüncü böyük olub.

“Yalan ittihamlar və dezinformasiya selində biz həqiqətin nə olduğunu xatırlamalıyıq.

“Gürcü arzusu” bun qərarına əsasən, 2015-2021-ci illərdə Gürcüstan NATO-ya daxil olmayan ölkələrin ən böyük kontingenti ilə Əfqanıstanda NATO-nun “Güclü Dəstək Missiyası”nda iştirak edib və NATO üzvlərinin özləri ilə müqayisədə biz ABŞ, Almaniya və İtaliyadan sonra dördüncü olduq. 

Hansı mürəkkəblikdə olan tapşırıqları kimin yerinə yetirdiyi barədə daha heç nə deməyəcəyəm. Qəhrəman əsgərlərimizin hekayələrini, qurbanlarını hamımız bilirik və xatırlayırıq.

2021-ci ildə NATO qoşunlarının Əfqanıstandan sürətlə çıxarılmasının təmin edilməsində Gürcüstanın hansı rol oynadığı ayrı bir hekayədir.

Onu da xatırlamalıyıq ki, demokratik və institusional inkişaf baxımından biz illərdir bir çox NATO üzvü olan ölkələri qabaqlamışıq”, - Şalva Papuaşvili yazıb.