Pavel Herçinski: Hazırkı hakimiyyətin real niyyətləri Avropa İttifaqı liderləri üçün aydın deyil
"Hazırkı hakimiyyətinin real niyyətləri Avropa İttifaqı liderləri üçün aydın deyil. Gürcüstanın Avropa İttifaqına nə qədər tez üzv olacağı gürcü cəmiyyətinin özündən asılıdır."
InterPress.ge xəbər verir ki, bu barədə Avropa İttifaqının Gürcüstandakı səfiri Pavel Herçinski jurnalistlərə bildirib.
Onun sözlərinə görə, Gürcüstanın hazırkı hakimiyyətinin real niyyətləri Avropa İttifaqı liderləri üçün aydın deyil.
“Gürcüstana Aİ üzvlüyünə namizəd ölkə statusu verildi, bu qərar ötən ilin dekabrında bütün Aİ-yə üzv ölkələr tərəfindən yekdilliklə qəbul edildi. Gürcüstan Aİ üzvlüyünə namizəd ölkədir. Lakin Gürcüstanın nə qədər tez Avropa Birliyinə üzv olacağı yalnız gürcülərin özlərindən asılıdır. Təəssüf ki, Gürcüstan parlamentinin son qərarları, eləcə də 9 addımla bağlı cüzi irəliləyiş Aİ liderlərinin Gürcüstanın Aİ-yə qəbul prosesini dayandırmaq qərarına gətirib çıxardı. Gürcüstanın hazırkı hökumətinin real niyyətləri Aİ liderləri üçün aydın deyil. Hər şeyin dəyişməsi hələ də mümkündür, amma vaxt daralır. Digər ölkələr sürətlə irəliləyir - Ukrayna və Moldova üzvlüklə bağlı danışıqlara yenicə başlayıblar, növbəti böyük genişlənmə baş verəcək və bu, Gürcüstanın onun bir hissəsi olub-olmaması yalnız Gürcüstan və gürcülərdən asılıdır”, - deyə səfir qeyd edib.
