Tbilisi meriyası parlamentin yaxınlığındakı 9 aprel küçəsinin abadlaşdırılmasına başlayır

Mtatsminda rayonundakı 9 Aprel küçəsində abadlıq işləri aparılacaq. Bərpa işləri iyunun 15-də başlayacaq və iyulda başa çatacaq.

InterPress.ge xəbər verir ki, bu barədə Tbilisi meri Kaxa Kaladze deyib.

“Bu, Rustaveli prospektindən Pavle İnqorokva küçəsinin kəsişməsinə qədər olan hissədir. Layihə çərçivəsində ən bərbad vəziyyətdə olan yeraltı kommunikasiyalar dəyişdiriləcək. Yeraltı kabel kanalları təşkil olunacaq, burada hava elektrik xətləri çəkiləcək, səkilər düzəldiləcək və yolun hərəkət hissəsinə asfalt örtüyü döşənəcək. Bundan əlavə, LED işıqları olan xarici işıqlandırma şəbəkəsi quraşdırılacaq”. -  Deyə Kaladze bildirib.

Onun sözlərinə görə, aparılan işlər zamanı 9 aprel və yaxınlıqdakı küçələrdə də nəqliyyatın hərəkət sxemi dəyişəcək.

"İşlərin aparıldığı müddətdə 9 Aprel küçəsində nəqliyyatın hərəkəti tam məhdudlaşdırılacaq. Bundan başqa, Zakariya Çiçinadze küçəsində avtomobillərin parklanması qadağan olunacaq və avtomobillərin ikitərəfli hərəkəti mümkün olacaq, Çitadze küçəsində isə nəqliyyatın hərəkət istiqaməti dəyişdiriləcək. Çonkadze küçəsi istiqamətində isə nəqliyyatın hərəkəti mümkün olacaq”, - Deyə paytaxt meri bildirib.