ABŞ G7 sammitində Rusiyaya qarşı yeni sanksiyaları elan edəcək
ABŞ G7 sammitində Rusiyaya qarşı yeni sanksiyalar və ixraca nəzarət tədbirləri elan etməyi planlaşdırır.
InterPress.ge xəbər verir ki, bunu Ağ Evin milli təhlükəsizlik üzrə strateji kommunikasiyalar üzrə koordinatoru Con Kirbi bildirib.
Onun sözlərinə görə, Vaşinqton Rusiyaya Ukraynada müharibə aparmağa kömək edən təşkilat və şəbəkələrə qarşı bir sıra effektiv yeni sanksiyalar və ixrac nəzarəti tətbiq edəcək.
Bundan əlavə, Kirbinin sözlərinə görə, ABŞ G7 sammitində Ukraynanın dondurulmuş Rusiya aktivlərindən istifadəsinə kömək edəcək addımları açıqlayacaq.
"Sammit çərçivəsində ABŞ prezidenti Co Bayden və ukraynalı həmkarı Vladimir Zelenski ikitərəfli görüş keçirəcəklər"- Kirbi bildirib.
Xatırladaq ki, “Böyük Yeddilik”in 50-ci sammiti iyunun 13-15-də İtaliyanın Brindizi şəhərində keçiriləcək.
