İrakli Kobaxidze dünya liderləri ilə birlikdə Berlində Ukraynanın bərpasına dair konfransda iştirak edəcək

Gürcüstanın baş naziri İrakli Kobaxidze dünya liderləri ilə birlikdə iyunun 11-12-də Berlində keçiriləcək Ukraynanın Bərpası Konfransında (URC2024) iştirak edəcək.

InterPress.ge xəbər verir ki, bu barədə Hökumət administrasiyası məlumat yayır.

Qurumun məlumatına görə, tədbirin əsas məqsədi Ukraynanın bərpası, yenidən qurulması, islahatları və modernləşdirilməsi üçün beynəlxalq dəstəyi səfərbər etməkdir.

“URC2024 dörd tematik sahəyə diqqət yetirəcək: bərpa və iqtisadi artım üçün özəl sektorun səfərbər edilməsi; Ukraynanın gələcəyi üçün sosial bərpa və insan kapitalı; bələdiyyələrin və regionların bərpası; Aİ-yə üzvlük və əlaqədar islahatlar.

Konfrans çərçivəsində həmçinin makroiqtisadi sabitlik, dayanıqlıq və təhlükəsizlik, infrastruktur, mənzil, enerji, ətraf mühitin mühafizəsi, səhiyyə, təhsil və s. müzakirə olunacaq.

Avropa İttifaqına üzv dövlətin ilk dəfə ev sahibliyi edəcəyi yüksək səviyyəli siyasi tədbirdə dövlət və hökumət başçıları, nazirlər, beynəlxalq təşkilatların və maliyyə institutlarının, biznes və vətəndaş cəmiyyəti təşkilatlarının nümayəndələri iştirak edəcəklər.

Hökumət başçısı xarici işlər naziri İlya Darçiaşvili və hökumət administrasiyasının rəhbəri Levan Jorjolianinin də daxil olduğu nümayəndə heyəti ilə birlikdə Berlinə gedib”, - məlumatda deyilir.