Kaxa Kaladze: Hakimiyyət sanksiyalara məruz qalacaq heç nə etməyib

“Gürcü arzusu”nun baş katibi, paytaxtın meri Kaxa Kaladze nə özünə, nə də komanda yoldaşlarına sanksi tətbiq ediləcəyini düşünmür.

InterPress.ge xəbər verir ki, bu barədə Tbilisi meri jurnalistlərə müsahibəsində bildirib.

Kaladzenin sözlərinə görə,  hakimiyyət sanksiyalara məruz qalacaq heç nə etməyib.

“Mən problem görmürəm, kiminsə sanksiyaya məruz qalacağını gözləmirəm. Sanksiyaya məruz qalacaq heç nə etməmişik, öz ölkəsində qanun çıxaran insanlara necə sanksiya tətbiq oluna bilər və onlar öz ölkələrində qanunlar hazırlayırlar və ölkə əhalisinin əksəriyyəti bunu etmək hüququnu məsələn, deputatlara və bu gün hakimiyyət formasında təmsil olunan hökumətə verib. Bütün bunları necə sanksiyalaşdırmaq olar? İnanılmazdır?! Ona görə də əminəm ki, sanksiyalar olmayacaq.
Əksinə, biz əlaqələrimizi dərinləşdirməliyik. Gəlin bunu daha da mehribanlaşdıraq və tərəfdaşlığı daha da gücləndirək. Bu münasibətlə biz Avropaya və Avropanın gələcəyinə doğru irəliləməyə davam etməliyik”, - deyə Kaxa Kaladze bildirib.