Ben Kardin: Rus tipli xarici agentlər haqqında qanunun qəbulu Gürcüstan üçün kədərli gündür

“Rus tipli xarici agentlər haqqında qanunun qəbulu Gürcüstan üçün kədərli gündür."

InterPress.ge xəbər verir ki, ABŞ Senatının Xarici Əlaqələr Komitəsinin sədri Ben Kardin sosial mediada Gürcüstan parlamentinin prezidentin "Xarici təsirin şəffaflığı haqqında” qanuna vetosunu ləğv etməsinə münasibət bildirib.

“Rus tipli xarici agentlər haqqında qanunun qəbulu Gürcüstan üçün kədərli gündür, lakin xalq göstərdi ki, onlar İvanişvilinin öz demokratiyasını məhv etməsinə və Avropadakı gələcəyini əlindən almasına imkan verməyəcəklər. Biz onları dəstəkləyirik”, - senator Ben Kardin yazıb.

Xatırladırıq ki, Parlament "Xarici təsirin şəffaflığı haqqında" qanun layihəsinə prezidentin qoyduğu  vetonu aşıb. “Gürcü arzusu” fraksiyasının təqdim etdiyi və Salome Zurabişvilinin veto qoyduğu layihə 84 səslə dəstəklənib.