DİN Rustavi şəhərində baş verən qətl hadisəsi ilə bağlı bəyanat yaydı

Polis Rustavidə 2 nəfəri qəsdən öldürmə faktını açıb - 1 nəfər saxlanılıb.

InterPress.ge xəbər verir ki, Daxili İşlər Nazirliyi Rustavi şəhərində baş verən qətl hadisəsi ilə bağlı bəyanat yayıb.

Daxili İşlər Nazirliyinin Kvemo Kartli Polis Departamentinin əməkdaşları həyata keçirdikləri əməliyyat-istintaq tədbirləri nəticəsində iki ailə üzvünə qarşı ağır cinayət törətməkdə təqsirli bilinən 1997-ci il təvəllüdlü Q.F.-ni saxlayıblar.

Cinayət 16 ildən 20 ilədək və ya ömürlük həbslə cəzalandırılır.

İstintaq müəyyən edib ki, Rustavi şəhərinin Dumbadze küçəsində təqsirləndirilən şəxs həyat yoldaşı, 2003-cü il təvəllüdlü M.S. və həyat yoldaşının anası - 1976-cı il təvəllüdlü İ.B.-ni odlu silahla qətlə yetirib.

Hüquq-mühafizə orqanlarının əməkdaşları Q.F.-ni hadisə yerindəcə saxlayıblar.

Polis cinayətin silahını - ov tüfəngini sübut kimi götürüb.

İki ailə üzvünə qarşı ağırlaşdırıcı şəraitdə törədilmiş qəsdən adam öldürmə faktı üzrə istintaq Gürcüstan Cinayət Məcəlləsinin 11-ci Prima 109-cu maddəsinin “K” və “L” bəndləri ilə aparılır.