26 yaşlı qadının qeysəriyyə əməliyyatından sonra halı pisləşib - Valideynləri etiraz edir

Kutaisidəki Xonelidze klinikasında səs-küy və mübahisə yaranıb.

InterPress.ge xəbər verir ki, 26 yaşlı pasiyentin valideynləri və yaxınları həkimlərin cəzalandırılmasını və klinikanın bağlanmasını tələb edir.

Məlumata görə, onlar zorla həkimin kabinetinə daxil olublar.

Yaxınlarının sözlərinə görə, qeysəriyyə əməliyyatından sonra Sopo Xinqava yaxınlarına xəbər vermədən klinikada növbəti dəfə əməliyyat olunub. Sonra vəziyyəti pisləşib, xəstə diaqnostika mərkəzinə köçürülüb və hazırda huşsuz vəziyyətdədir.

Pasiyent mayın 7-də qeysəriyyə əməliyyatı keçirib, bundan sonra 4 əməliyyata ehtiyac olub.

Ailəsi həkimlərin pasiyentə lazımi diqqət göstərmədiyini deyir.