Prezident: Hökumət ölkənin gözlədiyini etmir

Gürcüstan prezidenti Salome Zurabişvili “Xarici təsirin şəffaflığı haqqında” qanun layihəsinə veto qoyacağını bəyan edib.

InterPress.ge xəbər verir ki, o bu barədə AP-yə müsahibəsində bildirib.

Prezident “Gürcü Arzusu”nun öhdəsindən gəlməyə qadir olmasına baxmayaraq, qanun layihəsinə veto qoyacaqmı sualına  belə cavab verib:

"Bəli. Bu, Aİ tövsiyələrinə həm forma, həm də mahiyyət etibarilə zidd olan bütün qanunlara veto qoyacağım barədə bəyanat verdikdən sonra bu günə qədər veto qoyduğum bütün qanunlara aiddir, çünki Avropaya inteqrasiyanı dəstəkləmək üçün əlimdən gələni etmək mənim konstitusiya borcumdur.  Deməli, mən məhz bu mövqedəyəm”, - prezident bildirib.

Onun sözlərinə görə, qanun qəbuledilməzdir və dəyişdirilə bilməz.

“Biz indi namizəd statusu ilə bu ilin sonuna kimi üzvlük danışıqlarının başlaması arasında yolun yarısındayıq. Bu zaman parlament 24 saat işləməlidir ki, bizim masamızda olan tövsiyələri həyata keçirsin. Parlament bizdən gözlənilən şeyi etmək əvəzinə, keçən il bütün tərəfdaşlarımızın Avropa dəyərlərinə və Avropa məqsədlərinə uyğun olmadığını söylədiyi qanun üzərində işləyir. Nə baş verdiyi aydındır: hökumət ölkənin gözlədiyini etmir. Ölkə Avropanı istəyir və ilin sonunda üzvlüklə bağlı danışıqlara başlamaq imkanını əldən verməmək istəyir”, - prezident bildirib.