Ərdoğan: İrakli Kobaxidzeni və nümayəndə heyətini Ankarada qəbul etməkdən məmnunam

“Mən Gürcüstanın Baş naziri cənab İrakli Kobaxidzeni və onun nümayəndə heyətini Ankarada qəbul etməkdən çox şadam. Bir daha dost Gürcüstan xalqını Müstəqillik Günü münasibətilə əvvəlcədən təbrik etmək istəyirəm”.

InterPress.ge xəbər verir ki, bu sözləri Türkiyə prezidenti Rəcəb Tayyib Ərdoğan Gürcüstanın baş naziri İrakli Kobaxidze ilə birgə keçirdiyi brifinqdə deyib.

Ərdoğanın sözlərinə görə, İrakli Kobaxidze ilə səmərəli görüş keçirilib.

 “Bu gün iki dost, iki strateji tərəfdaş ölkənin liderləri görüşdük və çox səmərəli söhbət oldu. Mən bir daha Gürcüstanın ərazi bütövlüyünü, suverenliyini və rifahını dəstəklədim. Həmçinin, Avro-Atlantik institutlara inteqrasiya yoluna davamlı dəstəyimi bildirdim”.