Daxili İşlər Nazirliyi mitinq iştirakçılarına xəbərdarlıq edir

Daxili İşlər Nazirliyi mitinq iştirakçılarına xəbərdarlıq edir. 

InterPress.ge DİN-nin bəyanatını təqdim edir: 

"Parlamentin ətrafında baş verən aksiya ilə əlaqədar polis bölmələrinin nümayəndələri səfərbər olunub, ictimai asayişi qoruyurlar.

Aksiya mayın 12-də saat 22:00-dan etibarən keçirilir və iştirakçılar parlamenti əhatə edən küçələrdə - Z.Jvaniya, Ş. Çitadze və B. Çiçinadze küçələrində parlament binasının girişlərində yer alıb.

Mitinqin təşkilatçıları və iştirakçıları mayın 13-də saat 09:00-a təyin edilmiş Milli Məclisin Hüquq Komitəsinin iclasında deputatların iştirakına icazə verməyəcəklərini açıq elan edirlər.

Daxili İşlər Nazirliyi aksiyanın təşkilatçılarını və iştirakçılarını qanunverici orqanın girişlərini tutmamağa, deputatların və aparatın əməkdaşlarının parlament binasına daxil olmasına və deputat səlahiyyətlərini həyata keçirməsinə icazə verməyə çağırır. Əks halda polis qanunda nəzərdə tutulmuş səlahiyyətlər çərçivəsində fəaliyyət göstərəcək və parlamentə girişləri polis qüvvələri tərəfindən təmizlənməsini təmin edəcək.

Bir daha qanunverici orqanın binasının yaxınlığında olan insanları polisin qanuni tələbinə tabe olmağa, parlamentin giriş-çıxışını kəsməməyə, qanunsuz və zorakı hərəkətlərdən çəkinməyə çağırırıq.

Həmçinin həmin yerdə fəaliyyət göstərən müxtəlif kütləvi informasiya vasitələrinin nümayəndələrini hüquq-mühafizə orqanlarının əməkdaşlarının göstərişlərinə tabe olmağa, onların qanunda nəzərdə tutulmuş vəzifələrini yerinə yetirməsinə mane olmamağa çağırırıq”, - deyə məlumatda bildirilir.

Xatırladırıq ki, hazırda aksiya iştirakçıları Parlament binasının dörd tərəfindədir. 

Onlar qeyd edirlər ki, heç nədən qorxmurlar, geri çəkilmək fikrində deyillər.