Asiya İnkişaf Bankının prezidenti: Gürcüstan Şərqlə Qərbin qovşağındadır
Asiya İnkişaf Bankı Gürcüstanın regional mərkəz kimi maliyyə, iqlim, ekoloji, dayanıqlı enerji və digər istiqamətlərdə inkişafını dəstəkləyir.
InterPress.ge xəbər verir ki, bu barədə Asiya İnkişaf Bankının prezidenti Masatsuqu Asakava Asiya İnkişaf Bankının 57-ci Forumu çərçivəsində keçirilən mətbuat konfransında bildirib.
Onun sözlərinə görə, Gürcüstan Şərq-Qərb yollarının kəsişməsində yerləşir, ona görə də AİB Gürcüstanın regional mərkəzə çevrilməsini dəstəkləyir.
“Tədbirin əla ev sahibliyi və təşkilinə görə Gürcüstanın mərkəzi hökumətinə və Tbilisi şəhər hökumətinə təşəkkür etmək istərdim. İllik toplantını Qafqaz regionunda ikinci dəfə, Gürcüstanda isə birinci dəfə keçirmək bizim üçün böyük şərəfdir. Builki görüşün mövzusu “Gələcəyə Körpü”dür, burda isə Gürcüstanın Şərqlə Qərbin kəsişməsində yerləşməsi vurğulanır. Asiya İnkişaf Bankı 2007-ci ildən Gürcüstana yardım edir. Ümumilikdə Bank Gürcüstanı suveren kreditlər və qrantlar şəklində 3,9 milyard ABŞ dolları ilə maliyyələşdirib ki, bunun da 900 milyon dollardan çoxu özəl sektor layihələrindəndir. Bizim tərəfdaşlıq strategiyamız üç prioriteti dəstəkləyir: iqtisadi inkişaf, sosial siyasət və insan kapitalının inkişafı və dövlət idarəçiliyi. Əməliyyatımız çərçivəsində Gürcüstana dəstəyimizi davam etdirəcəyik. Gürcüstan Şərqlə Qərbin kəsişməsində yerləşir və ona görə də biz regional əməkdaşlıq baxımından Gürcüstana böyük əhəmiyyət veririk. Asiya İnkişaf Bankı Gürcüstanın maliyyə, iqlim, ekoloji, davamlı enerji və digər istiqamətlərdə regional mərkəz kimi inkişafını dəstəkləyir. Bundan əlavə, Gürcüstanın Qərblə Şərq arasında yerləşdiyini nəzərə alaraq, biz regional əməkdaşlığı dəstəkləyirik. AİB Gürcüstanın regional mərkəzə çevrilməsini yüksək qiymətləndirir və dəstəkləyir”, - Masatsuqu Asakava bildirib
Asiya İnkişaf Bankının prezidenti Ermənistan, Gürcüstan və Azərbaycan arasında regional əməkdaşlıqdan da danışıb.
“Bu üç ölkə arasında regional əlaqələr çox vacibdir. Asiya İnkişaf Bankı insanların və yüklərin regionda dinc hərəkətini təşviq etmək üçün əlaqə, infrastruktur və logistikanın təkmilləşdirilməsinə dəstək verməkdən məmnundur”, - Masatsuqu Asakava bildirib.
Asiya İnkişaf Bankının 57-ci illik toplantısı ilk dəfə Gürcüstanda keçirilir. Tədbirdə 70 ölkənin nümayəndəsi iştirak edir. Onların arasında iri maliyyə institutları, diplomatlar, özəl sektorun nümayəndələri və hökumət nümayəndə heyətləri var.
