14 yaşında qətlə yetirilən Aytac Şahmarovanın anası Prezidentdən onu əfv etməsini istəyir

14 yaşlı Aytac Şahmarovanın qətli işi üzrə zorla ərə verməkdə və cinayət barədə məlumat verməməkdə təqsirli bilinən Yeganə Məhərrəmova və onun vəkili Əli Bədirov əfv üçün Gürcüstan prezidenti Salome Zurabişviliyə müraciət ediblər.

InterPress.ge xəbər verir ki, vəkil hesab edir ki, məhkəmə qanunsuz qərar verib.

Məlumat üçün bildirək ki, 14 yaşlı Aytac Şahmarovanın qəsdən öldürülməsi işi üzrə məhkəmə onun anası Yeganə Məhərrəmova və dayısı Natiq Məhərrəmovu zorla ərə vermək və cinayət barədə xəbər verməməkdə təqsirli bilib.

 Rustavi Şəhər Məhkəməsinin hakimi Maya Şoşiaşvilinin qərarı ilə Yeganə Məhərrəmova 3 il, Natik Mahərrəmov isə 3,6 il müddətinə azadlıqdan məhrum edilib.