Rustavidə COP29-la bağlı məlumatlandırıcı görüş keçirilib

17 Aprel tarixində Rustavi şəhərində COP29-la bağlı məlumatlandırıcı görüş keçirilib.

InterPress.ge xəbər verir ki, görüş Rustavi Təhsil və Mədəniyyət Mərkəzində baş tutub.

Görüşü Mərkəzin direktoru Raida Dərziyeva açaraq,  BMT-nin ən böyük tədbirinin, İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına Azərbaycanın ev sahibliyi edəcəyi barədə şagirdlərə məlumat verib.
 

O, həmçinin, bu hadisənin Azərbaycan üçün mühüm bir hadisə olduğunu və ölkəmizin bu tədbirə yüksək səviyyədə hazırlaşdığını qeyd edib.
Daha sonra görüşün qonağı şəhərin azərbaycan şöbəsinin kimya müəlliməsi Dilbər Babayeva şagirdlərə iqlim dəyişkənliyi barədə ətraflı məlumat verib.