Parlament çoxluğunun lideri: Gürcüstanda rus qanunu qəbul edilməyəcək!

"Mən tam məsuliyyətlə təsdiq edirəm, rus qanununa yox! Gürcüstanda rus qanunu qəbul edilməyəcək!".

InterPress.ge xəbər verir ki, bu barədə parlament çoxluğunun lideri Mamuka Mdinaradze “Xarici təsirin şəffaflığı haqqında” qanun layihəsini təqdim edəcəyi hüquq məsələləri komitəsinin iclasında bildirib.

Onun sözlərinə görə, deputatlar Gürcüstan üçün məqbul olan qərarı müstəqil olaraq qəbul edəcəklər.

"Bütün bu günlər ərzində qanun layihəsi ilə bağlı çoxlu dezinformasiyalar yayılıb. Bir ildir ki, biz o böyük işin şahidi oluruq ki, guya bu qanun rus qanunudur. Mən tam məsuliyyətlə təsdiq edəcəyəm, burada kiməsə nə qədər sensasiyalı görünsə də, rus qanununa yox deyirəm! Mən sizinlə razıyam, Gürcüstanda rus qanunu qəbul olunmayacaq! Eyni zamanda köləliyə yox deyirəm! Biz müstəqil qərar verəcəyik, biz Gürcüstanın maraqlarından çıxış edirik”, - deyə Mamuka Mdinaradze bildirib.