PSC nümayəndə heyəti: “Gürcüstanın Avropa İttifaqına üzv olması üçün qapı açıqdır”
"Avropa İttifaqına üzvlük üçün qapı açıqdır"
InterPress.ge xəbər verir ki, bu barədə Gürcüstanda səfərdə olan Aİ Siyasət və Təhlükəsizlik Şurasının (PSC) nümayəndə heyətinin bəyanatında deyilir.
Nümayəndə heyətinin press-relizində deyilir ki, PSC-nin son 7 ildə Gürcüstana ilk belə səfəri çərçivəsində PSC üzvləri Gürcüstanın Avropaya inteqrasiya yolunda “hazırda fürsətdən istifadə etməyin” vacibliyini vurğulayıblar.
"Avropa Şurasının 2023-cü il dekabrın 14-də Gürcüstana namizəd statusu verilməsi ilə bağlı tarixi qərarından sonra Avropa İttifaqına üzvlük üçün qapılar artıq açıqdır", - bəyanatda deyilir.
Avropa İttifaqının Siyasət və Təhlükəsizlik Şurasının (PSC) üzvləri aprelin 10-11-də Gürcüstanda işgüzar səfərdədirlər.
PSC sədri səfir Delfin Pronkun rəhbərlik etdiyi nümayəndə heyəti prezident Salome Zurabişvili, baş nazir İrakli Kobaxidze, xarici işlər naziri İliya Darçiaşvili, müdafiə naziri İrakli Çikovani, parlament çoxluğu və müxalifət nümayəndələri, həmçinin vətəndaş cəmiyyətinin nümayəndələri ilə görüşüb. [Nümayəndə heyətinin] üzvləri həmçinin Aİ-nin Mülki Monitorinq Missiyasına (EUMM) və İnzibati Sərhəd Xəttinə baş çəkəcəklər.
Bəyanatda bildirilir ki, səfər Ermənistanda (8-9 aprel), eləcə də Azərbaycanda (11-12 aprel) görüşlərin də daxil olduğu regiona daha geniş turun bir hissəsidir və məqsəd regionda Aİ-nin əsas tərəfdaşları ilə dialoqu gücləndirməkdir.
