Dövlət Departamentinin sözçüsü: Qanun layihəsi Gürcüstanı Avropa yolundan döndərəcək

Metyu Miller bildirir ki, qanun layihəsi Gürcüstanı Avropa yolundan yayındıracaq və Gürcüstan vətəndaşlarının həyatını yaxşılaşdıran vətəndaş cəmiyyəti təşkilatlarına zərər verəcək.

InterPress.ge xəbər verir ki, Amerikanın Gürcüstandakı səfirliyi ABŞ Dövlət Departamentinin sözçüsü Metyu Millerin “rus qanunu”nun “Gürcü Arzusu” tərəfindən parlamentdə yenidən qeydiyyata alınması ilə bağlı bəyanatını dərc edib.

"Biz Gürcüstan parlamentinə təqdim edilən qanun layihəsinin Gürcüstanı Avropa yolundan çıxaracağından və Gürcüstan vətəndaşlarının həyatını yaxşılaşdıran vətəndaş cəmiyyəti təşkilatlarına zərər verəcəyindən çox narahatıq. Biz Gürcüstan hökumətini Avropa İttifaqının istəklərinə əməl etməyə çağırırıq".