Tbilisi meri vətəndaşları Novruz bayramı münasibətilə təbrik edir

Tbilisi meri Kaxa Kaladze Gürcüstan vətəndaşlarını və qonaqları Novruz bayramı münasibətilə təbrik edib.

InterPress.ge xəbər verir ki, bu barədə o, paytaxt hökumətinin iclasında deyib.

Kaladzenin sözlərinə görə, multikultural şəhər kimi Tbilisidə və bütün Gürcüstanda çox insan bu bayramı qeyd edir.

"Novruz bayramı dünən başlayıb. Mən bu günü qeyd edən bütün Gürcüstan vətəndaşlarını və qonaqlarını təbrik etmək istəyirəm. Təbiətin, baharın, yaşıllığın, həyatın yeniləşməsi, ailə mühitində qeyd olunan bir növ Yeni il bayramıdır. Çoxmədəniyyətli şəhərimizdə və bütövlükdə Gürcüstanda bir çox ailələr bu günü qeyd edirlər. Hər birini təbrik edir, sülh, firavanlıq, cansağlığı arzulayıram”.