Marneuli Bələdiyyə Məclisinin komissiyasının sədri daşınmaz əmlak və sahibkarlıq fəaliyyətini tam bəyan etdirməyib

Marneuli Bələdiyyə Məclisinin komissiyasının sədri Vasil Xaxulaşvili 2024-cü ildə doldurulmuş əmlakın vəziyyəti haqqında bəyannamədə sahibkarlıq fəaliyyətini göstərməyib və daşınmaz əmlakı tam əks etdirməyib. 

InterPress.ge xəbər verir ki, bu barədə məlumatı “Beynəlxalq şəffaflıq  - Gürcüstan” yayıb.

QHT-nin məlumatına görə, Xaxulaşvili dörd şirkətdə biznes səhmlərinə sahibdir, bunların heç biri bəyannamədə əksini tapmayıb.

I pozuntu: Xaxulaşvili dörd şirkətdə biznes səhmlərinə malikdir, heç biri bəyannamədə əksini tapmayıb. Maraqlıdır ki, o, 2022 və 2023-cü il bəyannamələrində də sahibkarlıq fəaliyyətini qeyd etməyib:

Ai Gas - 25%

Ai Gas+ - 50%

Gas 555 - 49%

Gas 555+ - 49%

II pozuntu: Xaxulaşvili idarəetmə hüququ ilə sahib olduğu biznes səhmlərini üçüncü şəxsə verməyib ki, bu da korrupsiyaya qarşı mübarizə qanununun birbaşa pozulması deməkdir.

III pozuntu: Vasil Xaxulaşvili bəyannamədə ona məxsus daşınmaz əmlakı tam təsvir etməyib. Xüsusilə, Marneuli şəhərində ona məxsus olan 1400 və 1460 kvadratmetrlik torpaq sahələrini göstərməyib.

O da maraqlıdır ki, 2016-cı ildə Xaxulaşvili və biznes ortağı Giorgi Koyava “Gürcü arzusu – Demokratik Gürcüstan” partiyasına 20-20 min lari bağışlayıblar.

Gürcüstanın korrupsiyaya qarşı mübarizə qanununa əsasən, Vasil Xahulaşvili Marneuli Bələdiyyə Məclisinin komissiyasının sədri kimi əmlak statusu bəyannaməsində bu məlumatları tam əks etdirməyə borcludur.

“Beynəlxalq şəffaflıq - Gürcüstan” Vasil Xahulaşvilinin bəyannaməsində aşkar edilmiş pozuntuları öyrənmək və qanuna uyğun cavab vermək üçün Gürcüstan Korrupsiyaya Qarşı Mübarizə Bürosuna müraciət edir.