Kobaxidze: “Gürcüstanda yoxsulluq aradan qaldırılmayana qədər xoşbəxt ola bilmərik”

"İstər yoxsulluğun azaldılması, istər məşğulluq, istərsə də hər hansı digər sosial parametr baxımından tarixən ən yaxşı göstəricilərə malik olsaq da, Gürcüstanda yoxsulluğun və işsizlik probleminin aradan qaldırılmasına qədər xoşbəxt ola bilmərik"

InterPress.ge xəbər verir ki, baş nazir İrakli Kobaxidze jurnalistlərə bildirib ki, bu, hökumətimizin əsas milli vəzifəsidir.

Kobaxidze qeyd edib ki, Gürcüstan hökuməti sürətli iqtisadi artım üçün hər şeyi edir ki, bu da yeni iş yerlərinin yaradılması, həmçinin işçilərin əmək haqqının artırılması üçün əsas vasitədir. Onun sözlərinə görə, müxalifət yoxsulluqla bağlı kampaniya aparır, halbuki “Milli Hərəkat”ın hakimiyyətdə olduğu dövrdə yoxsulluğun səviyyəsi xeyli yüksək olub.

“Onlar yoxsulluqla bağlı kampaniya aparır və buna 48 min dollar xərcləyirlər. 48.000 dollarla hətta bir neçə ailənin yoxsulluğun öhdəsindən gəlməyə kömək edə bilərdilər və bu absurd kampaniyanı aparmazdılar.
Yoxsulluğa gəlincə, bizdə 15,4% yoxsulluqla bağlı konkret məlumat var, bu, 2022-ci ilin göstəricisidir, bu çox ciddi vəziyyətdir. Baxmayaraq ki, “Milli Hərəkat”ın hakimiyyəti dövründə yoxsulluq 1 milyon 150 min idi, indi isə 600 mindən azdır, yəni yoxsulluq demək olar ki, iki dəfə azalıb, amma buna sevinib, qane ola bilmirik. Biz ancaq yoxsulluq aradan qalxdığı təqdirdə  xoşbəxt ola bilərik. “Milli Hərəkat”ın bu mövzuda spekulyasiyası qətiyyən yolverilməzdir, çünki onlar bizə 1 milyon 150 min insanı yoxsulluq həddinin altında qoyublar. İşsizliklə də eynidir, bu gün bizdə tarixi aşağı səviyyə var, baxmayaraq ki, işsizlik səviyyəsi də çox yüksəkdir. Bizim gördüyümüz əsas iş sürətli iqtisadi artımdır. Xatırladıram ki, 2021-ci ildə bizdə ikirəqəmli iqtisadi artım var idi, 2022-ci ildə də, keçən il 7,5% idi, bu il də analoji göstəricini gözləyirik. İş yerlərinin yaradılmasının əsas vasitəsi iqtisadi artımdır və bunun üçün irimiqyaslı infrastruktur layihələri həyata keçirilir, o cümlədən magistral yolların tikintisi, limanların inkişafı, hava limanlarının inkişafı yeni iş yerləri yaradılmasl və.s . Onların arasında AİT istiqamətində biz müxtəlif istiqamətlərdə ciddi irəliləyiş əldə etmişik, bütün mövzular üzrə işlər davam edir və bu proses son nəticədə həm iş yerlərinin açılması, həm də işçilərin əməkhaqlarının artırılması ilə bağlıdır”, - Kobaxidze qeyd edib.