VMH sədri yanacağın bahalaşması ilə əlaqədar hökumətə sual ünvanlayıb

12 il ərzində yanacağın qiyməti təxminən iki dəfə artıb.

InterPress.ge xəbər verir ki, bu barədə Vahid Milli Hərəkatın sədri Levan Xabeişvili bu gün bəyan edib.

Xabeişvilinin sözlərinə görə, hökumət yanacağın qiymətini niyə artdığını və qiyməti tənzimləmək üçün nə edəcəyini cavablandırmalıdır.

“İndi 20 litrə 62 lari ödəyirsinizsə, 2012-ci ildə 39 lari və 50 qəpiyə 20 litr almaq olardı. Gürcüstana yanacaq bugünkü qiymətlə 1 lari və 65 qəpiyə daxil olur, lakin Potidən, Batumidən yanacaqdoldurma məntəqələrinə paylanana qədər bu məbləği faktiki olaraq iki dəfə bahalaşdırırlar. Ona görə də bir sualımız var və ona cavab verməlidirlər: niyə insanların həyatını bahalaşdırıblar və onlar yanacaq tökəndə, istər benzin, istər dizel, niyə əvvəl ödədiklərindən artıq pul verirlər?”.