Qaribaşvili məhsulların qiymətinin qonşu ölkələrlə müqayisədə ölkədə daha baha olmasına münasibət bildirib

"Qiymətlər və inflyasiya məsələlərinə gəlincə, bütün Avropada hələ də ikirəqəmli inflyasiya olduğu halda, keçən il biz qiymətləri aşağı sala bildik".

InterPress.ge xəbər verir ki, bunu “Gürcü Arzusu”nun sədri İrakli Qaribaşvili Zuqdididə jurnalistlərə bildirib.

Qaribaşvilinin sözlərinə görə, ötən il məhsulların qiymətləri ilə bağlı bütöv bir kampaniya aparılıb və nəticədə ilin sonunda inflyasiya hədəf göstəricidən aşağı düşüb.

“Qiymət və inflyasiya məsələlərinə gəlincə, baş nazir olduğum müddətdə mənim və hökumətin iqtisadi komandasının səyləri ilə keçən il biz inflyasiyanın kəskin şəkildə aşağı düşməsinə nail ola bildik. Avropada inflyasiya ikirəqəmli olanda, bütün Avropada böyük qiymətlər, inflyasiya problemləri olanda, biz qiymətləri aşağı sala bildik. Bütün kampaniyanı xatırlayırsınız. Birincisi, təkcə dərmanların qiyməti 40-60 faiz ucuzlaşıb. Ərzaq və məhsulların qiymətini aşağı saldıq. Keçən il bununla bağlı bütöv bir kampaniya apardıq və nəticədə ilin sonunda inflyasiya hədəfdən aşağı oldu. Eşitdim ki, başqa yerdə daha ucuz ola bilər, amma inanıram ki, hökumət bunun üzərində işləməyə davam edəcək”, - İrakli Qaribaşvili bildirib.