Pavel Herçinski: Növbəti mərhələ danışıqların başlanğıcıdır və biz ümid edirik ki, Gürcüstan bu mərhələyə tez çatacaq

"Növbəti mərhələ danışıqların başlanğıcıdır və biz ümid edirik ki, Gürcüstan bu mərhələyə tez çatacaq".

InterPress.ge xəbər verir ki, bunu Avropa İttifaqının Gürcüstandakı səfiri deyib.

"Keçən ilin dekabr ayında Avropa İttifaqına üzv olan 27 ölkə tarixi qərar qəbul edərək Gürcüstana namizəd statusu verdi. Bu, çox mühüm addımdır, lakin ölkənin yekun məqsədinə çatması üçün bir neçə addım atılmalıdır. Növbəti mərhələ danışıqların başlanğıcıdır və biz ümid edirik ki, Gürcüstan bu mərhələyə tez çatacaq. Bunun üçün 9 şərt  yerinə yetirilməlidir və hazırda bu şərtlərin yerinə yetirilməsi prosesi gedir. Oktyabrda dərc edilməli olan hesabat üzərində artıq işə başlamışıq və bunun üçün vətəndaş cəmiyyəti ilə də işləmişik və ümid edirik ki, oktyabr ayına qədər ciddi irəliləyiş əldə edəcəyik.

Mən bilirəm ki, bu il Gürcüstanda seçkilər var və bu seçkilər bütün siyasi liderlərdən böyük diqqət və enerji tələb etsə də, ümid edirəm ki, 9 addım üzərində iş davam edəcək və oktyabr ayına qədər mühüm irəliləyiş əldə olunacaq”.