Gürcüstanın yeni səhiyyə naziri kim olacaq?

"Hələ ki, kimin səhiyyə naziri olacağı ilə bağlı qərar yoxdur, bu, geniş məsləhətləşmələr əsasında həll edilməlidir".

InterPress.ge xəbər verir ki, bunu Gürcüstanın baş naziri İrakli Kobaxidze jurnalistlərə bildirib.

Hökumət başçısının sözlərinə görə, həm komanda üzvləri, həm də sahə nümayəndələri ilə məsləhətləşmələr aparılacaq.

 “Yeni nazirə gəlincə, bu gün praktiki olaraq bu məsələ həll olunur. Hələ qərar yoxdur. Biz həm komanda üzvləri, həm də sahə nümayəndələri ilə məsləhətləşəcəyik. Sağlam bir proses keçirəcəyik. Komanda üzvlərindən danışanda Bidzina İvanişvili komandamızın rəhbəri, fəxri sədridir. Təbii ki, komanda ilə məsləhətləşmək lazım olan yerdə ilk növbədə, komandanın nümayəndəsi cənab Bidzinadır. Səhiyyə nazirinin kim olacağına gəlincə, buna geniş məsləhətləşmələr əsasında qərar verilməlidir. Məsləhətləşmələr geniş, komanda üzvləri, sahənin nümayəndələri ilə aparılmalıdır”, - deyə İrakli Kobaxidze bildirib.

Gürcüstanın işğal olunmuş ərazilərindən olan məcburi köçkünlər, əmək, səhiyyə və sosial müdafiə naziri Zurab Azaraşvili istefa verib.

İrakli Kobaxidzenin bu gün jurnalistlərə verdiyi məlumata görə, tibb ictimaiyyətində səhiyyə naziri ilə ünsiyyətdə narazılıq var.