Aleksey Navalnının ölümü ilə əlaqədar Avropa İttifaqı sanksiyalar tətbiq etməyi düşünür
Rusiyalı müxalifətçi Aleksey Navalnının ölümü ilə əlaqədar Avropa İttifaqı sanksiyalar tətbiq etməyi düşünür.
InterPress.ge xəbər verir ki, Avropa İttifaqının xarici siyasət və təhlükəsizlik üzrə ali nümayəndəsi Cozef Borrell bu mövzuda Brüsseldə danışıb.
Aİ liderləri Brüsseldə nazirlərin görüşündə toplaşır. Görüşdə Navalnının həyat yoldaşı da iştirak edəcək. Borrell bildirib ki, son bir neçə gün ərzində Rusiyanın bir neçə şəhərində Navalnının anım mitinqində yüzlərlə insan həbs edilib.
“Biz Rusiya müxalifətinə dəstək mesajı verməliyik”, - Borrell bildirib.
Üzvlərin bugünkü iclasda Moskvaya qarşı yeni sanksiyaları müzakirə edəcəyi gözlənilir.
Borrell həmçinin Avropa İttifaqına insan haqları sanksiya rejiminin adını dəyişdirərək “Navalni İnsan Haqları Sanksiya Rejimi” adlandırmağı təklif edib.
