Bizimlə əlaqəHaqqımızda—
Ən son:
TVCANLI

Təyyarədə partlayıcı qurğunun olması barədə yalan məlumat verən Gürcüstan vətəndaşı saxlanılıb

382
Təyyarədə partlayıcı qurğunun olması barədə yalan məlumat verən Gürcüstan vətəndaşı saxlanılıb
Dinləmək üçün basın

Dövlət Təhlükəsizlik Xidməti Kutaisi-Barselona reysi ilə uçan təyyarədə partlayıcı qurğunun olması barədə yalan məlumat verən Gürcüstan vətəndaşını saxlayıb.

Dövlət Təhlükəsizlik Xidməti Kutaisi-Barselona reysi ilə uçan təyyarədə partlayıcı qurğunun olması barədə yalan məlumat verən Gürcüstan vətəndaşını saxlayıb.

InterPress.ge xəbər verir ki, məlumatı DTX yayıb.

"Bu il fevralın 15-də Dövlət Təhlükəsizlik Xidmətinin Kutaisi-Barselona reysi ilə uçan təyyarənin göyərtəsində partlayıcı qurğunun olması barədə yalan məlumatın verilməsinin təşəbbüskarının müəyyən edilməsi istiqamətində həyata keçirdiyi əməliyyat-axtarış və istintaq tədbirləri nəticəsində Gürcüstan vətəndaşı saxlanılıb.

Adıçəkilən şəxs başqasının istifadəsində olan Gürcüstan mobil operatorundan Macarıstandakı “WizzAir” aviaşirkətinin baş ofisinə konkret limanda partlayıcı qurğunun olması barədə telefonla zəng edib.

Daxil olan bildirişə uyğun olaraq, W66417 Kutaisi-Barselona aviareysi ilə uçan təyyarə Kutaisi Beynəlxalq Hava Limanına qaytarılıb və burada Dövlət Təhlükəsizlik Xidməti Daxili İşlər Nazirliyi ilə birlikdə protokolda nəzərdə tutulmuş bütün zəruri və təxirəsalınmaz xüsusi tədbirləri operativ şəkildə həyata keçirib. Sözügedən təyyarədə heç bir partlayıcı qurğu və ya maddə aşkar edilməyib.

Dövlət Təhlükəsizlik Xidmətinin Terrorla Mübarizə Mərkəzində Cinayət Məcəlləsinin 3 ildən 6 ilədək və ya 6 ildən 9 ilədək azadlıqdan məhrum etməni nəzərdə tutan 331-ci maddəsi ilə terrorçuluq haqqında yalan məlumat vermə faktı üzrə araşdırma aparılır.

Bundan əlavə, Dövlət Təhlükəsizlik Xidməti müxtəlif yalan xəbərləri fəal şəkildə araşdırır. Bu mərhələdə mesajların əksəriyyətinin xarici ölkələrdən olduğu müəyyən edilib. İstintaq çərçivəsində aparılan operativ və məxfi əməliyyatlar nəticəsində həm ölkə ərazisində, həm də ölkə hüdudlarından kənarda konkret şəxslər və qruplar müəyyən edilib.

Yalan məlumatlara gəlincə, Dövlət Təhlükəsizlik Xidməti təhdidləri müəyyən etmək və riskləri minimuma endirmək üçün bütün lazımi tədbirləri görüb.

Sonda onu da vurğulamaq istərdik ki, Dövlət Təhlükəsizlik Xidmətinin bu cür faktlara qanunvericiliyə uyğun olaraq reaksiyası çox sərt olacaq”, - deyə məlumatda vurğulanıb.

Xəbəri qiymətləndir
Məqalənin müəllifiHumay Məmmədova

Son xəbərlər

Aİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribSon xəbərlərə bax →