Sabah Gürcüstan və Qərbi Balkan ölkələrinin ilk parlamentlərarası konfransı keçiriləcək

Gürcüstan parlamentində Avropaya inteqrasiya komitəsinin sədri Maqa Boçorişvilinin təşəbbüsü ilə Gürcüstan və Qərbi Balkan ölkələrinin Avropaya inteqrasiya məsələlərinə dair birinci parlamentlərarası konfransı keçiriləcək.
 

InterPress.ge xəbər verir ki, məlumatı Gürcüstan parlamenti yayıb.

Parlamentin mətbuat xidmətinin məlumatına görə, konfransda Qərbi Balkan ölkələrinin Avropaya inteqrasiya komitələrinin Albaniya, Bosniya və Herseqovina, Monteneqro, Serbiya və Şimali Makedoniyadan olan nümayəndələri iştirak edəcəklər. Konfrans çərçivəsində Aİ-nin genişlənmə siyasəti, Avropa İttifaqına daxil olmaq istiqamətində atılan addımlar, müvafiq islahatların gündəliyi və danışıqlar prosesində milli parlamentlərin rolu müzakirə olunacaq.
Konfransı giriş sözü ilə Avropa İnteqrasiya Komitəsinin sədri Maka Boçorişvili açacaq. Gürcüstan parlamentinin spikeri Şalva Papuaşvili və Avropa İttifaqının Gürcüstandakı səlahiyyətli səfiri Pavel Herçinski tədbir iştirakçıları qarşısında salamlama nitqi ilə çıxış edəcəklər.