İrakli Ğaribaşvili: “Gürcü Arzusu”nun hakimiyyəti dövründə milli iqtisadiyyat üç dəfə artdı"
"2012-ci ildə cənab Bidzina İvanişvili və “Gürcü Arzusu”nun qarşılaşdığı vəziyyəti ictimaiyyətə xatırlatmaq istərdim. Bunlar tapdalanan insan haqları, biznes raketi, məhbuslara işgəncələr, yüksək işsizlik, sosial səfalət, işğal olunmuş ərazilər, total qanunsuzluq və xaosdur".
InterPress.ge xəbər verir ki, bunu “Gürcü Arzusu”nun yeni sədri İrakli Ğaribaşvili partiyanın qurultayında çıxışı zamanı deyib.
“2012-ci ildə ölkəmizin ümumi daxili məhsulu 27 milyard lariyə yaxın olub. Bu il ümumi daxili məhsul 86 milyard lari olacaq. Bu o deməkdir ki, “Gürcü Arzusu”nun hakimiyyəti dövründə iqtisadiyyat üç dəfə artıb. İşsizlik və yoxsulluq səviyyəsi tarixi minimum həddədir. Əslində yoxsulluq yarı azalıb. 2012-ci illə müqayisədə yarım milyondan çox insan yoxsulluqdan xilas olub. Genişmiqyaslı islahatlar aparıldı - iqtisadiyyat, kənd təsərrüfatı, səhiyyə, təhsil sistemi, sosial bərabərlik, məhkəmə və media azadlığı - mahiyyətcə bütün istiqamətlərdə. Milli, regional və beynəlxalq əhəmiyyətli irimiqyaslı layihələr həyata keçirilib. Bu islahatlar və layihələrin nəticəsidir ki, Gürcüstan hazırda regionda qabaqcıl liderdir. Onu da ictimaiyyətə xatırlatmaq istərdim ki, cənab Bidzina İvanişvili hakimiyyətə gələndə o zaman Gürcüstanın Avropaya inteqrasiya yolunda heç bir nəzərəçarpacaq nəticələri yox idi. Məhz “Gürcü Arzusu” hökuməti dövründə assosiasiya sazişi, azad ticarət, vizasız rejim imzalanıb və ölkə ötən ilin dekabrında namizəd statusu alıb”, – Ğaribaşvili bildirib.
