Baş nazir Nikol Paşinyanı şam yeməyində qəbul edib

Gürcüstanın baş naziri İrakli Qaribaşvili Ermənistan Respublikasının baş naziri Nikol Paşinyanı nümayəndə heyəti ilə birlikdə şam yeməyində qəbul edib.

InterPress.ge xəbər verir ki, Gürcüstan hökumətinin administrasiyasının məlumatına görə, Mtatsmindada Nikol Paşinyanın şərəfinə şam yeməyi verilib.

İrakli Qaribaşvili və Nikol Paşinyan funikulyor tramvayı ilə Mtatsmindaya gedib və Tbilisinin mənzərəli yerlərini görüblər.

Baş nazirlər qeyri-rəsmi şəraitdə Gürcüstan və Ermənistan Respublikasının strateji tərəfdaşlığını müzakirə ediblər.

Ermənistan Respublikasının baş naziri Nikol Paşinyan hökumət nümayəndə heyəti ilə birlikdə yanvarın 26-da Tbilisiyə səfər edib.

Səfər çərçivəsində Gürcüstan-Ermənistan Hökumətlərarası İqtisadi Əməkdaşlıq Komissiyasının iclası keçirilib və bu iclasda baş nazirlər Gürcüstan və Ermənistan Respublikası arasında strateji tərəfdaşlığın yaradılması haqqında birgə bəyannamə imzalayıblar.