Xabeişvili: “Gürcü arzusu”nun seçkiləri saxtalaşdırmaq imkanı yoxdur və olmayacaq

"Bütün Gürcüstan vətəndaşları bilməlidir ki, “Gürcü arzusu”nun seçkiləri saxtalaşdırmaq imkanı yoxdur və olmayacaq. Qərb tərəfdaşlarımız bizi dəstəkləyəcək - uzunmüddətli missiyalar, çoxlu müşahidəçilər olacaq və “Gürcü arzusu”na seçkiləri saxtalaşdırmaq imkanı verilməyəcək".

InterPress.ge xəbər verir ki, bu barədə “Vahid Milli Hərəkat”ın sədri Levan Xabeişvili məlumat verib.

Onun sözlərinə görə, “Gürcü arzusu”nun keçirdiyi seçkilərə heç kim inanmır.

“Qərb tərəfdaşları, bizim dostlarımız gürcü xalqının yanındadırlar. Tərəfdaşlarımız Gürcüstan vətəndaşlarını dəstəkləyirlər, onlar Gürcüstanda dəyişikliklərin nə qədər vacib olacağını və xalqın rifahına xidmət edəcək, məşğulluğa, iqtisadi inkişafa yönəlmiş hökumətin necə olacağını çox gözəl başa düşürlər və buna görə də heç kim onların keçirdiyi seçkilərə inanmayacaq, ona görə də biz aylardır danışırıq ki, Gürcüstanda uzunmüddətli müşahidə missiyalarının olması üçün hər şeyi edəcəyik və görürük ki, tərəfdaşlarımızdan dəstəkləyici bəyanatlar eşidirik, bu o deməkdir ki, biz bunun işdə öz əksini tapacağına əminik", - Levan Xabeişvili Aİ-nin Gürcüstandakı səfiri Pavel Herçiskinin bəyanatını dəyərləndirərkən qeyd edib.