Marneuli-Bolnisi yolunda avtomobil qəzası baş verdi - Yaralı var(FOTO)

Marneuli - Bolnisi yolunda, Arıxlı kəndində yol-nəqliyyat hadisəsi baş verib.

InterPress.ge-nin hadisə yerindən verdiyi xəbərə görə, iki minik avtomobili toqquşub.

Məlumata görə, avtomobillərdən biri öz yolu ilə hərəkət edərkən arxadan gələn digər avtomobil onu vurub.

Qəza nəticəsində bir nəfər yaralanıb. O, xəstəxanaya aparılıb.

Hadisə yerinə polis səfərbər olunub, araşdırma aparılır.