Qarşıdakı günlərdə gözlənilən hava şəraiti açıqlandı

Yanvarın 12-si günün sonundan 14-ü günün ikinci yarısına kimi Gürcüstanda yağış, sulu qar, çovğun, yolların və elektrik xətlərinin buz bağlaması gözlənilir.

InterPress.ge xəbər verir ki, Milli Ətraf Mühit Agentliyi qarşıdakı günlərin hava proqnozunu açıqlayıb.

Bundan əlavə, yanvarın 13-də güclü qərb küləyi əsəcək, dənizdə fırtına 3-4 bala çata bilər. Yanvarın 14-dən 15-nə keçən gecə isə şaxta daha da güclənəcək. Qərbi Gürcüstanın aran rayonlarında havanın temperaturunun -3, -5 dərəcəyə qədər gözlənilən enməsi sitrus bitkilərinə (xüsusilə limonlara) ziyan vura bilər.

Ətraf Mühit Agentliyinin yaydığı məlumatda qeyd edilib ki, magistralların müəyyən hissələrində nəqliyyatın hərəkətinin məhdudlaşdırılması mümkündür.