Saakaşvili məhkəmə prosesinin təxirə salınmasına belə münasibət bildirdi: "Əmr yuxarıdan gəlir"

"Bugünkü iclasın təxirə salınması proseslərin süni surətdə ləngiməsinə xidmət edir və bu əmr yuxarıdan gəlir".

InterPress.ge xəbər verir ki, bu barədə sosial şəbəkədə Gürcüstanın üçüncü prezidenti Mixeil Saakaşvili yazıb.

Mixeil Saakaşvilinin sözlərinə görə, prokurorluq onun maraqlarını qorumaq bəhanəsi ilə iclası təxirə salıb, ancaq özü iclasın davam etdirilməsinə razı olub.

“İclasın mənsiz davam etməsinə razılığıma baxmayaraq, prokurorluq “mənfəətlərimin keşikçisi” kimi çıxış etdi ki, guya vəkillərim ilə məndən daha çox maraqlanır, onun üçün iclası təxirə salıblar. 

Müddətin bitməsinə baxmayaraq, onlar hələ də imzaladıqları analoji xərcləri və müvafiq əmrləri gizli möhür altında saxlayırlar ki, bu absurddan əl çəkməsinlər!”, - Mixeil Saakaşvili yazıb.

Məlumat üçün bildirək ki, qrup halında külli miqdarda büdcə vəsaitini mənimsəməkdə təqsirləndirilən sabiq prezident Mixeil Saakaşvili və Xüsusi Dövlət Mühafizə Xidmətinin keçmiş rəhbəri Teymuraz Canaşiyanın işi üzrə məhkəmə prosesi təxirə salınıb.