Bu qanun pozuntusu üçün cəzanın sərtləşdirilməsi planlaşdırılır

Hakim partiya dini binaları və əşyaları təhqir etməyə görə cinayət qanununu sərtləşdirməyi planlaşdırır.

InterPress.ge xəbər verir ki, bununla bağlı hüquq məsələləri üzrə komitənin sədri Anri Oxanaşvili parlamentdə xüsusi bəyanatla çıxış edib və ona əsasən, yaxın vaxtlarda qanun layihəsinin hazırlanmasına başlanılacaq.

Oxanaşvilinin sözlərinə görə, sərtləşdirilmiş qanun həm xristian-pravoslav, həm də digər dini tikililərə təsir edəcək.

"Odur ki, hər hansı bir dinin təhqir olunmasına yol verməmək üçün Gürcüstan Konstitusiyası ilə təmin edilmiş inanc azadlığının lazımi səviyyədə qorunmasını təmin etmək bizim borcumuzdur!

Düzdür, Samebada baş verən fakt Gürcüstanın mövcud qanunvericiliyinə görə qanuna ziddir və müvafiq məsuliyyət nəzərdə tutur, baxmayaraq ki, mövcud qanunvericilik belə hərəkətlərə görə proporsional məsuliyyət nəzərdə tutmur.

Ona görə də biz artıq qeyd olunan məsələnin dərindən araşdırılmasına başlamışıq. Biz beynəlxalq və xüsusilə Aİ-yə üzv dövlətlərin təcrübəsini, Strasburq Məhkəməsinin yanaşmalarını öyrənəcəyik, məsləhətləşmələr aparacağıq və yaxın vaxtlarda müvafiq qanunvericilik dəyişikliklərinə başlayacağıq.

Ona görə də komandamız dini tikililəri və əşyaları təhqir etməyə görə cinayət məsuliyyətinin sərtləşdirilməsi üçün yaxın vaxtlarda qanunvericilikdə dəyişiklik etməyə təşəbbüs göstərəcək! Bu həm xristian-pravoslav, həm də digər dini tikililərə (məsələn, məscid, sinaqoq, katolik və ya digər kilsələr) aiddir.

Nəticədə bizim məqsədimiz dini məbədlərin təhqir olunmasına imkan verməmək və cəmiyyətdə dini zəmində çəkişmələrin qızışmasının qarşısını almaqdır”, - Oxanaşvili bildirib.