Marneulidə iti amansızca döyən şəxsi polis əməkdaşları saxladı

Polis Marneuli bələdiyyəsində iti amansızca döyən şəxsi saxlayıb.

InterPress.ge xəbər verir ki, məlumatı Gürcüstan Daxili İşlər Nazirliyi təsdiqləyib.

Faktla bağlı Cinayət Məcəlləsinin heyvanlara qarşı işgəncə, amansız rəftar və ya zorakılığın digər formalarını nəzərdə tutan 259-cu maddəsi ilə istintaq başlayıb.

Sosial şəbəkələrdə sahibinin iti döyməsi ilə bağlı video yayılıb. Hadisə Marneulidə qeydə alınıb.