Bolnisidə iki azyaşlının ölümü ilə nəticələnən qəzanın yeni təfərrüatları məlum oldu

Bu gün Bolnisidə iki azyaşlının ölümü ilə nəticələnən dəhşətli qəzanın təfərrüatları məlum olub.

InterPress.ge- nin məlumatına görə, qəza uşaqlar yol kənarında məhsul satarkən  baş verib.

Qarşıdan gələn avtomobil yol kənarındakı azyaşlıları qəfil vurub və təəssüf ki, iki azyaşlı yerindəcə dünyasını dəyişib. Qəza nəticəsində 3 nəfər də xəsarət alıb, onlardan biri satıcıdır, o, sınıq xəsarətləri ilə klinikaya yerləşdirilib. Digər iki yaralı isə avtomobildə olub.

Ölən oğlanlardan birinin oxuduğu Bolnisinin Muxrana  kənd məktəbinin direktoru Nestan Oniani ölənlərin qardaş olması ilə bağlı yayılan xəbərləri təkzib edib. Onun sözlərinə görə, ölənlərdən biri kənd sakinidir, digər yeniyetmə isə Marneulidəndir və kəndə qonaq olaraq gəlib.