Entoni Blinken Türkiyə prezidenti ilə görüşüb

Entoni Blinken Rəcəb Tayyib Ərdoğanla görüşüb.

InterPress.ge xəbər verir ki, bu barədə  Türkiyə mətbuatı yazır.

Türkiyə prezidenti ABŞ dövlət katibi Entoni Blinkeni İstanbuldakı prezident kompleksində qəbul edib. Rəcəb Tayyib Ərdoğanla görüşdən əvvəl Entoni Blinken Türkiyənin xarici işlər naziri Hakan Fidan ilə danışıqlar aparıb.
Xarici işlər naziri ilə görüşdə Türkiyə Milli Kəşfiyyat Təşkilatının rəhbəri İbrahim Kalın və ABŞ-ın Ankaradakı səfiri Cefri Fleyk iştirak ediblər.

"Görüşdə nazirlər Qəzzada davam edən müharibəni və humanitar böhranı, İsveçin NATO-ya daxil olması prosesini, ikitərəfli və regional məsələləri müzakirə ediblər", - Türkiyə Xarici İşlər Nazirliyinin bəyanatında deyilir.

Blinken Türkiyədən sonra İordaniya, Qətər, Birləşmiş Ərəb Əmirlikləri, Səudiyyə Ərəbistanı, İsrail, İordan çayının qərb sahili, Misir və Yunanıstana səfər edəcək.
Qeyd edək ki, bu Blinkenin HƏMAS-ın 2023-cü il oktyabrın 7-də İsrailə hücumundan sonra bölgəyə dördüncü səfəridir.