Qoridə yanacaqdoldurma məntəqəsi qarət olunub

Qoridə mərkəzi magistral yolun yaxınlığındakı yanacaqdoldurma məntəqəsi qarət edilib.
 

InterPress.ge xəbər verir ki, hadisə yanvarın 2-də baş verib.

Məlumata görə, oğurluqda biri azyaşlı olmaqla 2 nəfər iştirak edib. Onlar yanacaqdoldurma məntəqəsinin operatorundan silah gücünə 600 lariyə qədər pul alaraq qaçıblar.

Polis cinayətdə əli olan şəxsləri 2 günə yaxın axtarıb və Karelidə saxlayıb.

Oğurluqda təqsirləndirilən şəxslərdən biri azyaşlı olduğundan, yalnız yetkin şəxsə ittiham irəli sürülüb.

Faktla bağlı quldurluq maddəsi ilə araşdırma aparılır.