Kutaisi - Alpana - Mamison yolunda bütün növ nəqliyyat vasitələrinin hərəkəti qadağan edilib

Daxili dövlət əhəmiyyətli Kutaisi (Çoma)-Alpana-Mamison aşırım avtomobil yolunun 47-ci km-də qaya kütləsi aşıb və yolun hərəkət hissəsini bağlayıb.

InterPress.ge xəbər verir ki, bu barədə Avtomobil Yolları Departamenti məlumat yayıb.

Məlumata görə, daşların düşməsi səbəbindən sözügedən hissədə bütün növ avtonəqliyyat vasitələrinin hərəkəti qadağan edilib.

“Görmə qabiliyyətinin zəif olması səbəbindən sabah səhər saatlarında təmizləmə işləri davam etdiriləcək”, - məlumatda deyilir.