Prezident əhalini Yeni il münasibətilə təbrik edir
"Biz bu ili böyük ümidlə başa vururuq ki, 2024-cü il daha da uğurlu olacaq, eyni zamanda fərqli fikirlərlə mübarizə aparmağın bir-birimizlə döyüşmək demək olmadığını anlayacağıq".
InterPress.ge xəbər verir ki, bunu Gürcüstan Prezidenti Salome Zurabişvili Yeni il təbriki ilə bağlı bəyanatında qeyd edib.
Salome Zurabişvili iki yerdən - Enquri körpüsündən və prezident administrasiyasından əhalini Yeni il münasibətilə təbrik edib və diqqəti birliyə yönəldib. Prezident Yeni il təbrikində 2023-cü ilin nailiyyətlərindən - Avropa İttifaqının ölkəmizə namizəd ölkə statusu verməsindən, eləcə də ötən ilin “çətinlikləri və ağrılı anlarından” danışaraq qeyd edib ki, “biz bunu unutmuruq". Prezident vətəndaşlara cansağlığı, xoşbəxtlik və uğurlar arzulayıb.
“Yeni il, 2024-cü il münasibətilə sizi təbrik edirəm. Sizi Gürcüstanın indiki ən tutqun yerindən salamlayıram. Burada böyük yolkalar işıqlandırılmayıb və bu körpünün hər iki tərəfindən görünəcək ən hündür və ən gözəl yolka işıqlandırılmalıdır. Çünki bizi birləşdirən, Abxaziya ilə Gürcüstanın indiki statusunu birləşdirən bu körpüdür", - deyə prezident bildirib.
O, həmçinin Orebeliani Sarayından da bəyanat yayıb: "Ən hündür və ən işıqlı yolkanın dayandığı yerdən sizi təbrik edirəm. Orebeliani Sarayından, dövlət rəmzi, daha önəmlisi isə birliyimizin simvolu kimi dayanan prezident sarayından - abxazları, Tsxinvali sakinlərini, diasporumuzun vətəndaşlarını təbrik edirəm.
“Birlik” ən çox dəyər verdiyimiz şeydir. Bu il hamının əldə etdiyinə - status verilməsinə, Avropa yolunun açılmasına görə sizi bu birlik münasibəti ilə təbrik etmək istəyirəm. Bununla 2023-cü ildə hansı çətinliklərin, hansı ağrılı anların olduğunu unutmaq olmaz. Nə Raçadakı Şovi faciəsini, nə Quriya faciəsini, nə də vətəndaşlarımızın hər dəqiqə işğalçı qüvvələrin təzyiqi altında yaşadığı gündəlik faciəni unutmuruq. Biz bütün bunları unutmuruq və bir daha təkrarlanmasın deyə yaşayırıq.
Həm də unutmuruq ki, bu il 8 Mart ili və birlik ili idi. Noyabrın 8-i, vahid qələbə ili idi. Beləliklə, bu ili böyük ümidlə başa vururuq ki, 2024-cü il daha da uğurlu olacaq, həm də bizim birlik ilimiz olacaq, burada fərqli fikirlərlə mübarizə aparmağın bir-birimizlə döyüşmək demək olmadığını anlayacağıq. Biz indi başlayan bu seçki ilində bunu öyrənməliyik ki, heç olmasa birliyi qoruyub, azadlıq və ədaləti qazanaq. Sizə bunu arzulayıram və mən də sizinlə birlikdə bunu izləyəcəm. Sizə və ailənizə ilk növbədə cansağlığı, xoşbəxtlik, sizə və ölkəmizə uğurlar arzulayıram”.
