Gürcüstanın Azərbaycandakı səfiri: “Davit Qareci məsələsi iki dost, strateji tərəfdaş ölkəyə yaraşacaq şəkildə mütləq həllini tapacaq”
Gürcüstanın Azərbaycandakı səfiri Zurab Pataradze bəyan edir ki, Azərbaycan və Gürcüstan arasında Davit Qareci məsələsi üzrə aparılan danışıqlarda müsbət nəticə var və onu indi açıqlaya bilmir.
InterPress.ge xəbər verir ki, bu barədə diplomat jurnalistlərə məlumat verib.
Onun sözlərinə görə, bu məsələ iki dost, strateji tərəfdaş ölkəyə uyğun şəkildə mütləq həllini tapacaq.
“Davit Qareji ilə bağlı sizə demək istəyirəm ki, bu canlı bir prosesdir. Bilirsiniz ki, bununla bağlı komissiyalar işləyir. Sessiya pandemiyadan əvvəl keçirilib. Bu iş mütləq davam edəcək və mənə inanın, bu məsələ iki dost strateji tərəfdaş ölkəyə uyğun şəkildə mütləq həllini tapacaq. Nəticə mütləq olacaq. Müsbət nəticəmiz var, onu indi açıqlaya bilmərəm. Bu gün heç vaxt olmadığı kimi ölkələr arasında siyasi sahədə belə yüksək səviyyəli dialoq mövcuddur. Bu gün ölkəmizin rəhbərləri arasında çox yaxşı ünsiyyət var. Siz keçən il, keçən il Prezident Əliyevin Gürcüstana səfərinin şahidi oldunuz. Həmçinin, Gürcüstanın baş naziri bu il iki dəfə Azərbaycana səfər edib. Bir sıra tədbirlər, o cümlədən yazda Bakı şəhərində hökumətlərarası komissiyanın keçirilməsi nəzərdə tutulur. Düşünürəm ki, bu formatlarda konkret nəticə əldə etmək imkanımız olacaq”, - deyə səfir bildirib.
Diplomatın sözlərinə görə, bu gün Xarici Əlaqələr Komitəsinin iclasında 3 ölkənin səfirləri dinlənilib və bütün mühüm məsələlər geniş müzakirə olunub.
“Gürcüstanın baş naziri İrakli Qaribaşvilinin sülh təşəbbüsü bu gün dəfələrlə xatırlanıb və bu istiqamətdə işlər fəal şəkildə davam etdirilir. Əminəm ki, gələn il çox maraqlı olacaq, çünki regionumuzda birdəfəlik sülhün bərqərar olması üçün 3 ölkənin müxtəlif qurumlarının nümayəndələrinin, o cümlədən baş nazirlərin iştirakı ilə vasitəçilik davam etdiriləcək. Əminəm ki, hökumətimizin və komandamızın dəstəyi ilə biz mütləq nəticə əldə edəcəyik. Bu gün bizim Xarici Komitədə görüşmək və əslində regional kontekstdə çox mühüm məsələləri müzakirə etmək imkanımız oldu. Bugünkü görüşdə həm Azərbaycan, həm Ermənistan, həm də Türkiyədə 3 ölkədəki təmsilçilərimiz iştirak edib. Müvafiq olaraq, istər siyasi baxımdan, istərsə də ticarət-iqtisadi əlaqələr və təbii ki, mədəni-humanitar əlaqələr baxımından bir sıra mühüm məsələlər müzakirə olundu. Düşünürəm ki, çox məhsuldar görüş oldu. Bu gün bizə imkan verildi ki, bu və ya digər məsələ ilə bağlı fikirlərimizi parlamentarilərlə bölüşək. Hesab edirəm ki, bu təcrübə çox faydalıdır və biz gələcəkdə də bu formatda işi davam etdirəcəyik”, - deyə səfir bildirib.
