Gürcüstan Prezidenti çağırış etdi

Gürcüstan prezidenti Salome Zurabişvili beynəlxalq ictimaiyyəti Bicvinta bağ evinin Rusiyaya verilməsi ilə bağlı “güclü və təcili cavab verməyə” çağırıb.

InterPress.ge xəbər verir ki, Prezident “rusların Gürcüstan torpaqlarını növbəti dəfə ələ keçirməsini” pisləyib.

 “Gürcü torpaqlarının ruslar tərəfindən növbəti dəfə ələ keçirilməsini və sürünən ilhaq siyasətini qətiyyətlə pisləyirəm.

Mən beynəlxalq ictimaiyyəti sərt və təcili cavab verməyə çağırıram”, - deyə prezident bildirib.

Xatırladırıq ki, bu gün qondarma Abxaziya Parlamenti Bicvinta bağ evinin Rusiyaya verilməsi haqqında sazişi ratifikasiya edib. qondarma Prezident Aslan Bjaniya Bicvinta bağ evinin Rusiyaya verilməsinə dair qanunu imzalayıb.