Mixeil Saakaşvilinin “Vivamed” klinikasından cəzaçəkmə müəssisəsinə köçürülməsi tələb olunur

“Gürcüstan naminə” siyasi qrupu hökuməti Mixeil Saakaşvilini “Vivamed” klinikasından cəzaçəkmə müəssisəsinə köçürməyə çağırıb.

InterPress.ge xəbər verir ki, bu barədə deputat Mixeil Dauşvili parlamentdə keçirdiyi brifinqdə açıqlama verib.

O bildirib ki, xarici ölkə vətəndaşının ölkənin daxili siyasi proseslərinə qarışmasına və iştirakına icazə verilməməlidir.

Dauşvilinin sözlərinə görə, “Cinayət Qanununun Prosessual Məcəlləsi”nin sistematik şəkildə pozulması var, buna son qoyulmalı və ən azı yeni ildən sonra Mixeil Saakaşvili cəzaçəkmə müəssisəsinə köçürülməlidir.

“İctimaiyyətin nəzərinə çatdırmaq istərdik ki, “Milli Hərəkat”ın xilası və yenidən birləşməsi üçün xüsusi əməliyyat aparılır, bunun təşkilatçısı isə bugünkü “Gürcü Arzusu”dur. Bunu korrupsiyaya görə sanksiyalaşdırılan Çinçaladze-Murusidze məhkəmə sistemindən istifadə etməklə həyata keçirirlər.

Biz “ Gürcü Arzusu”nu bu seçkiqabağı tamaşanı dayandırmağa çağırırıq, seçkiqabağı öz PR məqsədlərinə çatmaq üçün məhkəmədən istifadə etməsinlər; Parçalanmış “Milli Hərəkat”ın yenidən birləşməsinə kömək etməyin; məhkəmənin ədaləti təmin etməsinə imkan verin;  Cinayət-Prosessual Məcəllənin sistematik şəkildə pozulmasını dayandırın və Mixeil Saakaşvilini ən azı yeni ildən sonra penitensiar müəssisəyə köçürün", - Mixeil Dauşvili bildirib.