3 ay ərzində emissiya normalarına əməl etməyən avtomobil sürücülərinə 2460 cərimə tətbiq edilib

4 böyük şəhərdə - Tbilisi, Rustavi, Kutaisi və Batumidə 3 ayda emissiya standartlarına uyğun olmayan 2460 avtomobilə cərimə tətbiq edilib.

InterPress.ge xəbər verir ki, bu barədə Ətraf Mühitə Nəzarət Departamenti məlumat yayıb.

“Ətraf Mühitin Mühafizəsi və Kənd Təsərrüfatı Nazirliyinin Ətraf Mühitə Nəzarət Departamentinin əməkdaşları sentyabrın 4-dən Gürcüstanın 4 böyük şəhərində - Tbilisi, Rustavi, Kutaisi və Batumidə hərəkət edən avtonəqliyyat vasitələrindən atmosferə atılan tullantılara nəzarət edirlər.

Qanunun tətbiqindən sonra 3 ay ərzində idarənin əməkdaşları tərəfindən 2460 qanun pozucusu nəqliyyat vasitələrinin atmosferə atılan tullantıların müəyyən edilmiş normalarına əməl etmədiklərinə görə cərimələnib.

Departamentin əməkdaşları ən çox - Tbilisidə 1149, Kutaisidə 525, Batumidə 432, Rustavi şəhərində 354 pozuntu aşkar ediblər.

2460 cərimə qəbzindən 2114 qəbz fiziki şəxsin adına yazılıb. Departamentin əməkdaşları tərəfindən 346 halda hüquqi şəxslər cərimələnib.

Qeyd edək ki, yüngül nəqliyyat vasitələrinin sürücülərinə 1451, mikroavtobuslara 851, yük avtomobillərinə 157, avtobus sürücüsünə isə 1 cərimə qəbzi tərtib edilib”, - deyə məlumatda bildirilir.

Məlumat üçün bildirək ki, fiziki şəxs tərəfindən müəyyən edilmiş normalara riayət edilməməsinə görə cərimənin məbləği birinci dəfə 100 lari, ikinci dəfə 300 lari, üçüncü dəfə isə 600 laridir. Hüquqi şəxs üçün cərimə 500, 1500 və 3000 lari təşkil edir.

Cərimə 10 gün ərzində ödənilərsə, cərimənin məbləği 20% azalacaq.